Sigurður Ástgeirsson

Ég og Gunni ákváðum að keppa í spar og góðakstri í Alternative Energies Cup. Þetta er alþjóðleg keppni á vegur FIA

Var þessi keppni haldin samhliða Rally Reykjavík

Án þess að vita neytt hvað við værum að fara út í slóum við til og kepptum á einkabílnum mínum, Mitsubishi Pajero Sport sem ég breytti í metanbíl fyrir um mánuði síðan. Var þetta eini metanbíllinn í keppninni.

Okkur gékk ágætlega, lenntum í 3 sæti í góðakstri en í 4 sæti í sparakstri af 4 sætum mögulegum. Má rekja það til þess að við vorum einir sem ókum jeppa.

Við skemmtum okkur stórkostlega og er gaman að segja frá því að einungis var notaður 1,12L af bensíni þá 3 daga sem eknir voru 550km. Restin var metan.

Það verður pottþétt keppt að ári.

siggi

Ég skellti mér í studio að mynda heimili verðandi fjölskyldumeðlims okkar.

Læt smá brot af tökunni fylgja

Siggi

Ég, Harpa og Abba ákváðum að skella okkur í Laugardalinn í tilefni veðurblíðunnar.

Byrjar var á því að fara á Kaffi Flóru og fékk ég mér Humar Salat með hvítlauksristuðum humri – granateplum, appelsínulaufum og sætristuðum graskersfræjum. Ekki frá því að þetta er eitt besta salat sem ég hef fengið í langan tíma.

Eftir það var farið í Fjölskyldu og Húsdýragarðinn. Abba fékk útrás fyrir hinum ýmsu skrítnu hlutum sem þar var að finna.

Smellti sér í sápukúlu

Skoðaði sig í spegli

Eftir það fengum við Harpa smá frið á meðan Abba hljóp í burtu að leika sér

Takk fyrir æðislegan dag.

Siggi

Smellti mér í bæinn að mynda Gay Pride.

Magnað að sjá rigningu stoppa samtímis og gangan hófst.

Njótið

Siggi

Ég, Harpa og Abba skelltum okkur til Vestmannaeyjar korter fyrir opnun Landeyjahafnar.

Var það eitthvað sem ég heimtaði að fá að gera áður en Eyjar yrðu hluti af sunnudagsbíltúr. Byrjuðum við því sumarfríið þarna.

Takk æðislega fyrir okkur Gústi og Guðný.

Abba rólar á Stakkó (held ég að það heyti)

Horft út á hafið

Abba horfir út um glugga í leit að Lundum

Guðný mátar gæruna

Gústi pælir í að fá sér kaffi

Abba og Rakel Perla spá í naglalakkinu

Enn og aftur……..  Takk fyrir okkur.

Sæl

Ætla að reyna að vekja þetta aftur til lífins.

Myndaði Olla og Lovísu um daginn við fallega athöfn í Stafsnesi.

Eins og fyrr hefur komið fram hef ég verið að vinna að dagatali með Íslenska Gámafélaginu.

Afraksturinn er loksins kominn fram í dagsljósið og verð ég að deila með ykkur smá brotum af því sem við gerðum.

Hægt er að nálgast dagatalið í síma 577-5757

Ég og Abba fórum saman í studio að mynda klisjur fyrir jólin.

Að sjálfsögðu fékk Malla Mús líka nokkrar myndir af sér með Öbbu.

Útkomin var skemmtileg í þessu session-i.

Takk Tommi

Ég er búinn að vera að vinna að gerð dagatals hjá Íslenska Gámafélaginu undanfarnar vikur.

Í fyrra voru það strákarnir sem komu sér saman og nú er komið að stelpunum.

Afraksturin má sjá föstudaginn næsta í Gufunesi en þá verður þessu verkefni haldið veglegt útgáfupartý.

Smá brot á bakvið tjöldin

Mætti til vinnu 06:30 enda langur dagur fyrir höndum. Hugmyndin var að skjótast á Egilsstaði, þaðan á Akureyri og heim um kvöldið.

Allt leit vel út.

Lennti á Egilsstöðum kl. 12:10 að staðartíma.

Brunað var án tafa á Reyðarfjörð til fundarhalda.

Að fundi loknum var lítið annað að gera en að smella einni mynd af sjálfum sér.

Ég fékk stuttu eftir þessa mynd að heyra að aðstoðar minnar væri óskað á Siglufjörð. Blóðið rann til skildunnar og var allt flug frá Akureyri afpantað.

Eftir næturgistingu á Akureyri og önnur fundarhöld þar var ferðinni heitið á Siglufjörð.

Hafði samferðamaður minn lítið að segja og var því myndum skotið út um framgluggann.

Eftir að ég hafði gengið í hús á Siglufirði og kennt íbúum að flokka rusl voru málin rædd við Gunnar Pál. Fljótlega eftir það var gengið til hvíldar.

Herbergið var fyrsta flokks með sérútfærslu Begga sem gerði rúmið að queen size. Reyndi þó aldrei á það enda er ég ekki plássfrekur í svefni.

Smá svigrúm myndaðist til þess að fara út og skoða plásssið enda hafði ég aldrei drepið niður fæti þarna áður.

Margt var að sjá og skoða.

Eftir morgunmat á sunnudagsmorgni var haldið heim enda dagurinn orðinn nokkuð langur.

Vinnan mín er snild.

kv.

siggi